د خوست ولايتي مسوولان وايي چې په نادرشاه کوټ ولسوالي کې ۷۷ رغنيزې پروژې بشپړې او ګټېاخيستنې ته وسپارل شوې.
د خوست د کليوبيارغونې او پراختيا رييس عنايتالرحمن جلالي د يادو پروژو د ګټېاخيستنې مراسمو کې وويل چې يادې پروژې د ۱۵۵ ميليونه افغانی په لګښت د نادرشاه کوټ ولسوالي په ۶۵ کليو کې بشپړې شوې.
هغه دغهراز وويل چې په يادو پروژو کې کلیوالي سړکونه، سربندونه، کانالونه،اوبو حوزونه او استنادي ديوالونه جوړول شامل دي.
د جلالي په خبره چې يادې پروژې د کليو او پراختيا رياست تر چتر لاندې د يونپس(UNOPS) موسسې په مالي لګښت د ټولنيز معيشيت پرګرام له لوري بشپړې شوې دي.
په يادو مراسمو کې د خوست والي مولوي عبدالله مختار بيا له موسسو غوښتنه وکړه چې په کليوالي سيمو کې دې داسې پروژې پلې کړي چې د بې کاري کچې کمولو کې مرسته وکړي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د نادرشاه کوټ ولسوالي اوسيدونکي هم د يادو رغنيزو پروژو په تطبيق خوښي څرګندوي وايي چې تر يوه حده به خلکو ستونزې ورسره حل شي.
د نادرشاه کوټ ولسوالي يو تن قومي مشر ثامين خان ځدراڼ وويل چې نادرشاه کوټ يوه له هغو ولسواليو څخه ده چې په تېر کې ورته د بيارغونې په برخه کې هيڅ ډول پاملرنه نه ده شوې.
هغه له حکومتي چارواکو غوښتنه وکړه چې د يادې ولسوالي اوسيدونکي د برېښنا، روغتيا او نورو رغنيزو برخو کې پروژو ته اړتيا لري.
يو بل قومي مشر المرخان هم وويل چې د يادو پروژو سربيره د لرې پرتو سيمو خلک لا هم د پاکو اوبو، استنادي ديوالونو او نورو پروژو تطبيق ته اړتيا لري.
د مالوماتو له مخې د يادو پروژو د تطبيق پر مهال سلګونه د سيمې خلکو ته د کار زمينه هم برابره شوې وه.