د امریکا ولسمشر، دونالد ټرمپ، په تازه څرګندونو کې ویلي چې منځني ختیځ کې د سولې د ټینګښت امکان شته او دا فرصت لري چې پیښت لرونکی پاتې شي.
هغه ټینګار وکړ چې د دې سولې دوام په هغو لوریو پورې تړلی دی چې خپله ژمنه ترسره کړي.
ټرمپ وویل: «حماس باید فوراً د هغه وژل شویو یرغمل شویو کسانو چې پهکې دوه امریکایان هم شامل دي، د جسدونو بیرته سپارل پیل کړي؛ که داسې ونهکړي، نو نور هېوادونه چې په دې ستره سوله کې برخه لري، اړ دي خپلې لازم ګامونه واخلي.»
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
ولسمشر زیاته کړه چې د جسدونو سپارل ستونزمن کارر دی، خو داسې جسدونه شته چې د اوس لپاره بېرته سپارل کېدای شي.
هغه وویل: «که دا کار ونهشي، امکان لري چې د حماس د بې وسلې کېدو بهیر سره تړاو ولري.» ټرمپ همدارنګه یادونه وکړه: «هغه عادلانه چلند چې ما د دواړو غاړو لپاره اعلان کړ، یوازې هغه مهال معنا لري چې دواړه غاړې خپلې ذمه وارۍ پوره کړي.»
د امریکا ولسمشر له دې وړاندې حماس ته په اشارې سره ویلي چې وضعیت له نږدې څاري او دغه ډله باید پر خپلو ژمنو عمل وکړي.