لوګر کې د افغاني سري میاشتنې ټولنې مسوولان وایي چې د تېر یوه کال په ترڅ کې د دغه ولایت په مرکز پلعلم او ولسوالیو کې ۱۳۰زره کسانو ته خدمات وړاندې کړي دی.
د لوګر د سرې میاشتې ټولنې ریاست رییس مولوي میرهاشم حزبالله، د سرې میاشتې ځانګړې اوونۍ د نمانځلو په مناسبت جوړې شوې غونډه ته وویل، په تېر یوه کال کې د مرستې رسولو، بشرپالو خدمتونو، ښوونې او روزنې، روغتیایي او یوشمېر نورو برخو کې ۱۳۰زره کسانو ته خدمات رسولي دي.
نوموړي زیاته کړه، د لوګر سرې میاشتې ریاست تېر یوه کال په ترڅ کې د شاخوا ۱۵ میلیونه افغانیو نقدي مرستو د وېشلو سربېره، ۷۰ تنه اړمنو زده کوونکو ته په عصري او دیني برخو کې د زده کړې زمینه برابره شوي او همدارنګه په ټوله کې د یادې ادارې له لوري نږدې ۱۳۰ زره تنو ته بېلابېل خدمات وړاندې شوي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
همدارنګه د لوګر د اطلاعاتو او فرهنګ یاست ریاست رییس، مولوي فیضالله جوهري لوګر کې د افغاني سرې میاشتنې ټولنې فعالیتونه اغیزمن وبلل او زیاته يې کړه چې بډایه خلک او خیریه بنسټونه دې د افغاني سري میاشتې ټولنې له لارې بېوزله او اړو کورنیو ته مرستي ورسوي.
د یادونې وړ ده چې تېرکال هم د لوګر سرې میاشتې ریاست له لوري څه باندې سل زره کسانو ته خدمات وړاندې شوي وو.