د افغانستان سولې لپاره د امریکا پخواني ځانګړي استازي زلمي خلیلزاد ویلي، د اسلامي امارت له بند څخه د امریکايي وګړي ازادېدل یو مثبت ګام دی.
هغه نن (دوشنبه، میزان ۷) پر اېکسپاڼه لیکلي چې افغانستان کې د اسلامي امارت له بند څخه د امریکايي وګړي امیر امیري له خوشې کېدو هرکلی کوي او دا د افغانستان او امریکا ترمنځ د اړیکو ښهوالي کې یو مهم او مثبت ګام دی.
خلیلزاد هیله څرګنده کړې چې د نورو امریکايي زندانیانو مسله هم په ښه توګه حل شي.
د اسلامي امارت بهرنیو چارو وزیر امیر خان متقي تېره شپه د زندانیانو په چارو کې د امریکا د ولسمشر ځانګړي استازي اډم بولر سره لیدنه کې وویل، د امیر امیري په نوم یو امریکايي وګړی یې له بند څخه ازاد کړی.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
هغه ویلي، د اسلامي امارت دغه ګام ښيي چې مسایل د ډیپلوماسۍ له لارې حل کېدی شي.
د زندانیانو په چارو کې د امریکا د ولسمشر ځانګړي استازي اډم بولر هم د یاد امريکايي وګړي د خلاصون له پرېکړې هرکلی کړی او دا يې ښه شېبه بللې.
هغه هيله څرګنده کړه چې اسلامي امارت سره په پاتې مواردو هم خبرې دوام پيدا کړي.