د اسراییلو پوځ اعلان کړی چې د غزې له شمال څخه دوه توغندي د اسراییلو پر لور توغول شوي چې یو یې د دفاعي سېسټم له لوري شنډ شوی او بل یې په یوې شاړه سیمه کې راولوېدلی دی.
د پوځ په بیان کې چې د ټیلیګرام له لارې خپور شوی، ویل شوي چې د لاخیش او اشدود سیمو کې د توغندیو د راښکارهکېدو سره سم د خطر زنګونه وهل شوي دي.
په بیان کې زیاته شوې چې د دې پېښې له امله هېڅ کومه مرګژوبله نهده رامنځته شوې.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
دغه پېښه په داسې حال کې رامنځته کېږي چې سیمه په تېرو څو اوونیو کې د وسلو او توغندیو د راپرېوتو د تازه کړکېچونو شاهد ده. اسراییل له غزې د توغندیو پرلهپسې بریدونه د امنیتي ګواښ په توګه ګڼي او خپل دفاعي سیسټمونه یې بشپړ چمتو کړي دي.
سربېره پر دې، د اسراییلي چارواکو په وینا، د امنیتي تدابیرو ترڅنګ یې، خلک هم د احتمالي حملو پرمهال د خوندي ځایونو د لټون لپاره خبر شوي دي.
له دې وړاندې هم له غزې پر اسراییلو توغندیز بریدونه شوي چې تر ډېره د اسراییلو لهخوا شنډ شوي او یا هم په شاړو سیمو کې لګېدلي دي.