د روبوټیک ټکسي یا Waymo شرکت چې د Alphabet (د ګوګل اصلي شرکت) یوه څانګه ده، په لومړي ځل په نیویارک ښار کې د خپلو برښنايي بېچلوونکو موټرو د ازمایښتي چلونې د فعالیت جواز ترلاسه کړ.
د نیویارک ښاروال اریک اډمز او د ترانسپورټ کمېشنر یدانیس رودریګز د جمعې پر ورځ اعلان وکړ چې Waymo به وکولای شي، په محدود ډول په منهټن او ډاون ټاون بروکلین کې خپل بې موټرچلوونکي، موټرونه وازمايي.
د ازمایښت پروګرام پرمهال به د موټرو شا ته یو روزل شوی متخصص شتون ولري، څو د موټرو خوندیتوب تضمین وکړي. د ښار چارواکي وایي، دا ګام به د نیویارک د ټرافیکي راتلونکي د عصريکېدو او ټکنالوژکي پرمختګ په لور مهم ګام وي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
Waymo چې له وړاندې یې په سانفرانسیسکو، فینیکس او ځینو نورو ښارونو کې خپلواکه ټکسي خدمتونه پیل کړي، غواړي په نړیواله کچه د ځانچلونکو موټرو په برخه کې مخکښ شي.
شنونکي باور لري چې د دې ټکنالوژۍ د پراختیا بریا کولای شي، د ټرافیکي پېښو کچه راکمه کړي، د چاپېریال ککړتیا کم کړي او د ښارونو د ترانسپورټ سېسټم کې بنسټیز بدلونونه راولي.