د ملګرو ملتونو د طبقه بندي سیسټم چې خوړو ته د لاسرسي د ټاکلو لپاره کارول کیږي، په رسمي ډول غزه کې قحطي اعلان کړې.
دغه بنسټ نن (جمعه، اسد ۳۱) یوه راپور کې ویلي، له نیم میلیون څخه ډیر فلسطینیان د قحطۍ له ناورین سره مخ دي چې پهکې لوږه، بېوزلي او مرګ شامل دي.
د ملګرو ملتونو په ملاتړ د طبقه بندۍ سیستم د راپور له مخې، د غزې ځینې برخې له قحطۍ سره مخ دي چې تمه کیږي دا لړۍ به پراخه شي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
په راپور کې زیاته شوې چې « د ۲۰۲۶ کال تر جون پورې خوارځواکي له پنځو کلونو څخه د کمعمره ۱۳۲ زره ماشومانو ژوند ګواښي چې په کې ۴۱ زره جدي قضیې هم شاملې دي.»
اسراییل د نږدې دوو کلونو جګړې په ترڅ کې غزې ته د مرستو ننوتل محدود کړي یا یې بند کړي دي.
د اسراییلو بهرنیو چارو وزارت د ملګرو ملتونو د طبقهبندۍ سیستم موندنې رد کړي او ویلي، غزه کې قحطي نشته او موندنې یې د “حماس دروغو” پر بنسټ دي.
د یادونې ده چې تر دامهاله غزه کې د لوږې او قحطۍ له امله سلګونه فلسطینیانو ژوند بایللی دی.