د ایران بهرنیو چارو وزیر سید عباس عراقچي نن شنبه د اسلامي همکاریو سازمان د بهرنیو چارو وزیرانو غونډه کې د ګډون لپاره د ترکیې استانبول ښار ته رسېدلی.
ایراني رسنیو ویلي چې د اسراییل له لوري پر ایران برید به د اسلامي همکاریو سازمان د غونډې د خبرو اصلي محور وي.
عراقچي داسې مهال د اسلامي همکاریو سازمان د بهرنیو چارو وزیرانو غونډه کې د ګډون لپاره ترکیې ته تللی چې د ایران او اسراییل جګړه نهمې ورځې ته غځېدلې.
د راپورونو له مخې دغو بریدونو کې تر دامهاله درانه زیانونه اوښتي او دواړو لورو د یو بل خاوره کې مهمې او ستراتیژیکې سیمې په نښه کړې دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
ورته مهال د ایران بهرنیو چارو وزیر سید عباس عراقچي له اينبيسي شبکې سره مرکه کې ویلي چې هېواد یې هېڅکله د یورانیمو غني کولو پروسه نه دروي.
هغه امریکا له ايران سره د ډیپلوماسۍ په برخه کې په خیانت کولو تورنه کړې او ویلي، نور پر امریکا باور نه دی پکار.