د ایران او اسراییلو د روانې شخړې په لړ کې تازه د ایران پوځ پر اسراییلو ۱۵ توغندي ویشتلي دي.
العربیه فارسي څانګې نن سهشنبه، جون ۱۷مه خبر ورکړی چې دغه توغندي څو شېبه وړاندې د ایران له لوري د اسراییلو پر بېلابېلو سیمو توغول شوي دي.
ایران بېګاه شپه هم پر اسراییلو د پراخو بریدونو خبر ورکړی و او د یاد هېواد سپاه پاسداران ځواک ویلي و چې بریدونه به تر سهاره روان وي.
د اسراییلو حیفا ښار چې تر ډېره د ایران تر بریدونو لاندې راغلی، د تېلو چاڼځای ویجاړ شوی او نورو ګڼو سیمو ته هم زیانونه اوښتي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
بلخوا اسراییلو د تهران پر بېلابېلو سیمو له بېګاه راهیسې بریدونه کړي چې څو ځایه د چاودنو غږونه هم اورېدل شوي دي.
په ورته مهال د ایران په تبرېز کې د اسراییلو د هوايي بریدونو وروسته د دوو چاودنو غږونه اورېدل شوي دي.