د ایران د بهرنیو چارو وزارت ویاند اسماعیل بقايي ویلي، د دغه هېواد اټومي پروګرام پر سر د واشنګټن او تهران ترمنځ د غیر مستقیمو خبرو راتلونکی شپږم پړاو (یکشنبه، د جوزا ۲۵مه) د عمان پلازمینه مسقط کې ترسره کیږي.
د ایراني رسنیو د راپور پر اساس، اسماعیل بقايي د غیرمستقیمو مذاکراتو د راتلونکي پړاو په اړه د خبریالانو د پوښتنې په ځواب کې ویلي:
«د ترسره شوو مشورو په پام کې نیولو سره، د ایران او امریکا د غیرمستقیمو خبرو بل پړاو راتلونکې اونۍ د یکشنبې په ورځ په مسقط کې ترسره کېدونکی دی.»
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
له دې مخکې، د دغو خبرو له پنځو پړاوونو درې د عمان په مسقط او دوه د ایټالیا په روم ښار کې د عمان په منځګړیتوب ترسره شوي دي.
د راپورونو پراساس، د امریکا ولسمشر ډونالډ ټرمپ یو ځل بیا تازه څرګندونو کې ویلي چې ایران د یورانیمو د غني کولو هڅه کوي، خو «متحده ایالتونه دا نهشي منلی.»
ټرمپ زیاته کړې چې ایران د هوکړې لپاره چمتو نهدی او د هوکړې بدیل غوراوی ډېر وېروونکی دی.