د کانونو او پټرولیم وزارت سرپرست هدایتالله بدري ایران ته د سفر پرمهال د کاني موادو نړیوال نندارتون کې ویلي، افغانستان باثباته هېواد دی او د پانګونې لپاره مناسب فرصتونه لري.
د هغه په وینا، اسلامي امارت غواړي د ګاونډیو هېوادونو له تجربو په ګټې اخیستو د افغانستان له کانونو اغېزمنه ګټه پورته کړي.
د کانونو او پټرولیم وزارت سرپرست همدارنګه د یاد نندارتون له بېلابېلو برخو او د لیتیمو د پروسس له کارخونې څخه لیدنه کړې او د خصوصي سکتور ګڼ شمېر شرکتونه یې په افغانستان کې پانګونې ته هڅولي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
دغه راز، د نندارتون په څنډو کې د افغان پلاوي غړو د ایران د اړوندو ادارو له مسوولانو سره خپل نظریات شریک کړي دي.
ایراني چارواکو هم د اسلامي امارت پلاوي سره د لیدنو پرمهال د همکارۍ او پانګونې ډاډ ورکړی دی.