د اسراییلو پوځ وايي چې له یمن څخه د دوی پر بېنګوریون هوايي ډګر او نورو سیمو توغندیز بریدونه شوي دي.
ټایمز اوف اسراییل رسنۍ په یوه راپور کې ویلي چې دغه توغندی د اسراییلو پوځ له لوري شنډ شوی دی.
دغه توغندی وروسته له هغې د اسراییلو له لوري شنډېږي چې حوثیانو نن سهار یو بل توغندی هم د اسراییلو پر لوري وېشتلی و.
په دې توغندیز برید کې د ټپيکېدو او وژنې خبر نهدی ورکړل شوی.
د نړیوالو رسنیو د راپورونو له مخې، دا د ۲۴ ساعتونو پرمهال پر اسراییلو له یمن درېیم توغندی دی چې توغول کېږي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د روان کال د مارچ له ۱۸مې راهیسې غزه کې د حماس پروړاندې د اسراییلو له بریدونو وروسته، حوثیانو پر اسراییلو ۳۳ بالېستیک او لس ډرون بریدونه کړي دي.
حوثیانو تر ډېره په دې بریدونو د بېنګوریون هوايي ډګر او د اسراییلو مرکزي سیمې په نښه کړي دي.
حوثیان وايي، تر هغو به یې، پر اسراییلو بریدونه روان وي چې دوی په غزه کې د حماس پروړاندې روانه جګړه نهوي درولي.