هرات ولایت کې د افغانستان د زعفرانو ټولنې مسوولان وايي، د دغه ولایت ۹۶ سلنه تولید شوي زعفران له هېواده بهر نړیوالو بازارونو ته صادریږي.
د دغې ټولنې مرستیال سید عبدالواحد سادات وویل، دامهال د هېواد بازارونو کې د یو کیلوګرام زعفران بیه ۱۱۰۰۰۰ افغانیو ته رسیږي.
د هغه په وینا، دې وروستیو کلونو کې د زعفرانو بیې لوړېدل لامل شوي چې د هرات ډېری کروندګر د زعفرانو کښت ته مخه کړي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
ورته وخت کې د هرات د کرنې ریاست د ترویج امر بشیر احمد احمدي وویل، دې وروستي یوه کال کې دغه ولایت کې د زعفرانو د کښت سطحه زر هکتاره ځمکه زیاته شوې ده.
د یادونې ده چې دامهال هرات کې په ۹زره هکتاره ځمکه زعفران کرل شوي دي.
د چارواکو په وینا، دوروستیو کلونو کې ډېرو ښځو د زعفرانو کرلو ته مخه کړې. د خوړو نړیوال پروګرام (WFP) په دې وروستیو کې اعلان وکړ، چې د زعفرانو د کښت په برخه کې له افغان مېرمنو سره مرسته کوي.