غزه کې د روغتیا وزارت چارواکي وايي چې د تېرو ۲۴ ساعتونو پرمهال د اسراییلو بریدونو له امله ۱۵ کسانو خپل ژوند له لاسه ورکړی دی.
فلسطیني چارواکي وايي، د روان جنورۍ ۱۹مې اوربند سره سره چې په غزه کې یې د پراخې کچې جګړې ودرولې، د اسراییلو بریدونو له امله لسګونه کسان وژل شوي دي.
دغه بریدونه داسې مهال کېږي چې عرب او امریکايي منځګړي غزه کې د دایمي اوربند ټينګښت لپاره پر هلو ځلو بوخت دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د اسراییلو پوځ بیا وايي چې د روان اوربند له پیله د دوی ځواکونو ته د وسلهوالو نږدېکېدو یا بمونو کېښودو مخنیوي لپاره لاس پکار شوي دي.
د غزې روغتیا وزارت چارواکو په وینا، د غزې په شمال بیتلاهیا کې د څلور خبریالانو او نهه فلسطینیانو په ګډون ۱۳ کسان هغه مهال ووژل شول چې د اسراییلو هوايي برید لاندې راغلل.
دوه نور فلسطینیان چې یو یې، ۶۲ کاله عمر درلود، په رفح ښار او غزې ته نږدې زیتوب سیمه کې وژل شوي دي.