روغتیايي سرچینې وايي چې د غزې په خان یونس کې د اسراییلو له لوري د مرګونو بریدونو له امله ۳۸ کسانو خپل ژوند له لاسه ورکړی دی.
دغه کسان پر هستوګنیزو کورونو د اسراییلو د بریدونو له امله مړه شوي دي.
د سلاموطندار پښتو فېسبوکپاڼه وڅارئ
د سرچینو په وینا، یوازې ۱۴ ماشومانو د اسراییلو له لوري د وېشتل شویو توغندیو د لوګیو له کبله خپل ژوند له لاسه ورکړی.
په مړو شویو کې د یوې کورنۍ ۱۳ غړي هم شامل دي چې دې بریدونو کې مړه شوي دي.
خان یونس کې د اسراییلو له لوري پراخې ویجاړۍ روانې دي او د یادې سیمې اوسېدونکو رسنیو ته ویلي چې اسراییلي ځواکونو وړاندې له دې چې دې سیمه باندې برید وکړي، د وتلو په تړاو خبرداری نهو ورکړی.
د غزې شمال کې د اسراییلو د روانو ځمکنیو عملیاتو په لړ کې پر کمال عدوان روغتون یرغل کړی او ګڼشمېر کسان یې، نیولي دي.
د راپورونو له مخې، اسراییلو د یاد روغتون ډېری ناروغان او ټپیان له روغتونه وتلو ته اړ کړي دي.