د میدانوردګ د ښاروالي له لوري په مرکز میدانښار کې د تازه مېوې د راکړې ورکړې لپاره لوي سوداګریز مارکېټ پرانېستل شوی دی.
د یاد مارکېټ پرانېستې مراسمو ته د دغه ولایت مرستیال والي مولوي سیدالرحمن حافظ وویل، د میدانوردګ اوسېدونکو په ځانګړې توګه د بڼوالو لپاره دا یوه لویه لاستهراوړنه ده.
د سلاموطندار پښتو فېسبوکپاڼه وڅارئ
هغه زیاته کړه، د یاد ولایت بڼوال به وکولای شي، په لاس راغلې تازه مېوې په یاد مارکېټ وپلوري.
بلخوا د میدانوردګ د تازه مېوې سوداګریز مارکېټ مسوول سیفالدین وویل، میدانوردګ هغه ولايت دی چې د هېواد په کچه ډېرې مېوې لري، خو د پېر او پلور لپاره یې کوم ځانګړی مارکېټ نه درلود.
عالمي زیاته کړه له یاد مارکېټ نه به د افغانستان ګڼ شمېر ولايتونو او بهر ته د دغې ولايت مېوې صادرې شي.
د میدانوردګ ډېری بڼوال د خپلو په لاس راغلو تازه مېوو او کرنیزو محصوالاتو لپاره د مارکېټ نشتون یوه لویه ستونزه بولي او له چارواکو غواړي چې ددغه ولایت په لاس راغلیو تازه میوو او سبزیو ته په کور دننه او بهر بازارموندنه وکړي.