پر اسراییلو د حماس او حزبالله ډلې د توغندیزو بریدونو له امله ۱۲ کسان ټپیان شوي دي.
د الجزیري خبري شبکې نن دوشنبه، اکتوبر اوومه راپور ورکړی چې د حزبالله ډلې د اسراییلو پر هایفه ښار توغندي توغولي چې پرمهال یې، لس کسان ټپیان شوې دي.
د سلاموطندار پښتو فېسبوکپاڼه وڅارئ
په راپور کې همداراز ویل شوي چې دې برید کې یوشمېر ودانۍ هم ویجاړې شوې دي.
بلخوا حماس ډلې د غزې له خان یونس څخه د اسراییلو پر تلابیب ښار پنځه راکېټونه توغولي دي. دغه توغندي د حماس اړوند څانګې القاسم لېوا لهخوا توغول شوې دي.
په دغه توغندیز برید کې د دوه مېرمنو د ټپيکېدو پخلی شوی دی.
د روان کال اګسټ میاشتې راهیسې دا لومړی ځل دی چې له غزې څخه پر اسراییلو د توغندیو برید کېږي.
پر غزې د اسراییلو د برید نن یو کال پوره شو چې دې موده کې د جګړې او د بریدونو پرمهال ۴۱۹۰۹ کسانو خپل ژوند له لاسه ورکړی دی.
یاده موده کې څه باندې ۹۷زره کسان ټپیان او په میلیونونه نور هم له خپلو کورونو بېځایه شوې دي.