د پکتيکا ولايت مقام څخه سلاموطندار ته په رالېږل شوې خبرپاڼه کې ویل شوي چې د دغه ولایت د محلي رسنیو ترمنځ د کرېکټ سیالي پیل شوې.
د خبرپاڼې له مخې، دغه سیالي د اطلاعاتو او فرهنګ رياست اړوند ځوانانو چارو امريت له لوري او د کرېکټ امریت په همغږي پیل شوې دي.
د سلاموطندار پښتو فېسبوکپاڼه وڅارئ
دا د پکتیکا رسنیو ترمنځ درېیم پړاو کرېکټ سیالي دي چې ترسره کېږي.
خبرپاڼه زياتوي چې په يادو لوبو کې پنځه لوبډلو ګډون کړی او موخه یې، د رسنيو او خبريالانو ترمنځ یووالی دی.
خبرپاڼه کې همداشان د ولايتي مسوولانو له قوله ویل شوي چې د ځوانانو لپاره به د ښوونيزو او علمي برنامو ترڅنګ د ورزش په برخه کې هم بېلابېل پروګرامونه او سيالي جوړې کړي.