د لوګر د بدني روزنې او ورزش امریت چارواکي وایي چې د بوکسېنګ فدراسیون له لوري د دغه ولایت په مرکز پلعلم کې د ۵۰ مخکښو ورزشکارانو ترمنځ د بوکېسنګ یوه ورځنۍ سیالي ترسره شوې.
د دغه ولایت د بدني روزنې او ورزش امریت مطبوعاتي مسوول مصطفی احمدي سلاموطندار ته وویل، د دغه سیالیو له جوړېدو څخه موخه د غوره لوبغاړو غوراوی، د بوکسېنګ ورزش ته ودهورکول او د ورزشکارانو ترمنځ د تجربو شریکول وو.
د سلاموطندار پښتو فېسبوکپاڼه وڅارئ
احمدي زیاته کړه، په پام کې ده چې په راتلونکې کې هم د ولایتونو په کچه لوګر کې د بوکسېنګ ورزشکارانو ترمنځ ورته سیالي جوړې شي.
د بوکسېنګ ورزش یوه لوبغاړي احمدجاوید سلاموطندار ته وویل، د لومړي ځل لپاره لوګر کې ۵۰ مخکښو ورزشکارانو ترمنځ د بوکسېنګ سیالي ترسره شوې.
نوموړي زیاته کړه، یادې سیالي کولای شي چې د ورزشکارانو ترمنځ اړیکې پياوړي او د ورزشکارانو د ظرفیت کچه لوړه شي.
باید وویل شي چې له دې وړاندې هم د لوګر د بدني روزنې او ورزش امریت له لوري بېلابېلې سیالي جوړې شوي دي.