د نیمروز امنیتي چارواکي مسوولان وايي چې دغه ولایت کې یې، د «ښځو وېښتانو» د قاچاق مخه نیولې ده.
د نیمروز د دلارام- زرنج لویې لارې قومندان محمدحکمت سلاموطندار ته وايي چې دغه وېښتان په یوه موټر کې ځای پر ځای شوي وو چې دوی نیولي دي.
د سلاموطندار پښتو فېسبوکپاڼه وڅارئ
د نوموړي په وینا، موټرچلوونکي د ښځو دغه وېښتان له کابل څخه دغه ولایت ته لېږدول چې د زرنج ښار په ختیځ کې نیول شوي دي.
د نیمروز د دلارام- زرنج لویې لارې قومندان محمدحکمت موټرچلوونکی نیول شوی او تر لومړنیو څېړنو وروسته به عدلي او قضايي ارګانونو ته وروپېژندل شي.
له دې وړاندې هم د هېواد په نورو ولایتونو کې په ځانګړې توګه سرحدي او ډیورنډ فرضي کرښې ته پرتو ولایتونو کې بهر ته د ښځو وېښتانو د قاچاق مخه نیول شوې.