د سامووا کرېکټ ملي لوبډلې توپوهونکي ډاریوس ویسر د شل اووره سیالیو په یوه اوور کې تر ټولو د ډېرو منډو جوړولو ریکارډ جوړ کړ.
هغه دغه ریکارډ د وانواټو کرېکټ ملي لوبډلې پروړاندې د ۲۰۲۶کال د شل اووره سیالیو نړیوال جام ته د لارموندنې په سیالیو کې په خپل نوم کړ.
د سلاموطندار پښتو فېسبوکپاڼه وڅارئ
ډاریوس ویسر دغه ریکارډ د لوبې په ۱۵ اوور کې د وانوواټو پر ناېلن نیپیکو توپاچوونکي جوړ کړ.
ویسر په ۶۲ بالونو ۱۳۲ منډې جوړې کړې.
په شل اووره سیالیو کې له دې مخکې دغه ریکارډ د هند له یوفراج سېنګ سره و چې د ۲۰۰۷ کال د شل اووره سیالیو نړیوال جام پرمهال یې، د انګلستان پر وړاندې جوړ کړی و.
۲۰۲۱کال د وېسټانډیز کېرن پولاد هم د سریلانکا پر وړاندې په یوه اوور کې شپږ شپږیزې وهلې وې.
د نیپال ډيپنډرا سېنګ اېري هم روان کال د قطر پر وړاندې یوه اوور کې ۳۶ منډې وکړې.