د پاکستان بهرنیو چارو وزارت وايي بهرني حکومتونه دې د دغه هېواد په کورنیو چارو کې له لاس وهنې ډده وکړي.
د یاد وزارت ویاندې ممتاز زهرا بلوڅ دغه څرګندونې نن جمعه، اګسټ ۱۶مه اسلاماباد کې یوې خبري غونډې ته کړې دي.
د سلاموطندار پښتو فېسبوکپاڼه وڅارئ
د پاکستاني رسنیو له لوري په خپرو شویو راپورونو کې دا نهدي ویل شوي چې کوم هېوادونه د پاکستان په کورنیو چارو کې لاسوهنه کوي.
نوموړې همداراز زیاته کړه چې غزه کې د روانې نسل وژنې له امله باید له اسراییلو پوښتنه وشي.
بلوڅ ویلي چې غزه کې تر اوسه د اسراییلو له لوري ۴۰زره کسان وژل شوي چې په وینا یې، له اسراییلو باید ځواب وغوښتل شي. هغې زیاته کړه چې پاکستان د غزې د اوربند خبرو کې هېڅ ډول ونډه لري.
د پاکستان د بهرنیوچارو وزارت ویاندې ممتاز زهرا بلوڅ همداراز وویل چې دغه هېواد د بنګلهدېش په اوسنیو پېښو کې هېڅ ډول لاس نهلري او یوازې د بنګلهدېش د ولس ملاتړ کوي.
نوموړې ټينګار وکړ چې پاکستان په منځني ختیځ کې له روان وضعیت اندېښمن دی.