په لوېدیځه غاړه کې پر یوه موټر د اسراییلو هوايي برید کې د حماس د قومندان په ګډون پنځه کسان وژل شوي دي.
برید نن شنبه، اګسټ درېیمه شوی دی. وفا خبري اژانس د روغتیايي چارواکو له قوله ویلي چې تراوسه د نورو وژل شویو کسانو هویت نهدی په ډاګه شوی.
د سلاموطندار پښتو فېسبوکپاڼه وڅارئ
د اسراییلو پوځ ویلي، د لوېدیځې غاړه په ټولکرم ښار کې یې، د وسلهوالو یو موټر په نښه کړی دی.
لوېدیځه غاړه کې د حماس او اسراییلو له جګړې وړانړې هم تاوتریخوالي زور اخیستی و او پر دې سیمې د اسراییلو بریدونه هم زیات شوي دي.
دغه تاوتریخوالی په وروستیو اوونیو کې د حماس سیاسي مشر اسماعیل هنیه له ترور، راهیسې نور هم زیات شوی دی.
اسماعیل هنیه تېره اوونۍ د ایران پلازمېنې تهران کې د یوه برید پرمهال وژل شوی دی. تراوسه د نوموړي د وژنې بشپړ معلومات نهدي خپاره شوي، خو ایران یې، د وژنې پړه پر اسراییلو وراچولې.
اسراییلو بیا د نوموړي وژنې په تړاو تراوسه څه نهدي ویلي.