د فلپیین ولسمشر وايي چې چین ته د «چټک» ځواب لپاره د مانیلا او واشنتګټن ترمنځ تعامل اړین دی.
فرینانډ جونیور دغه څرګندونې د فلپیین په پلازمېنه مانیلا کې د امریکا د بهرنیو او دفاع وزیرانو سره په لیدنه کې کړې دي.
د سلاموطندار پښتو فېسبوکپاڼه وڅارئ
نوموړي دې لیدنه کې د امریکا دفاع او بهرنیو چارو وزیرانو ته په خطاب کې ویلي، چین سره د اوبو پر سر رامنځته شوي، ترینګلتیا ته د چټک غبرګون ښودلو لپاره د دغه هېواد او امریکا ترمنځ رسمي تعامل اړین دی.
د فلیپین او امریکا اړیکې وروسته له هغې نږدې شوي چې د دغه هېواد اوسنی ولسمشر په ۲۰۲۲کال کې واک ترلاسه کړ او د تمې خلاف امریکا سره د اړیکو د ټینګښت هڅې کوي.
د فلیپین مخکینی ولسمشر روډریګو د خپلې واکمنۍ په شپږو کلونو کې هڅه وکړه چې له امریکا لرې او چین ته ځان نږدې کړي.
فلیپین د دغه هېواد لوېدیځ کې له چین سره د اوبو پر سر ادعا لري، خو چین ادعا کوي چې ۹۰سلنه دغه اوبه، د دوی د واکمنۍ یوه برخه ده.