د پکتيا مرکز ګردېز ښار کې د ۳۵۰زره امريکايي ډالرو په لګښت، اووه رغنيزې پروژې بشپړې او ګټېاخيستنې ته وسپارل شوې.
د يادو پروژو د ګټېاخيستنې اړوند مراسمو کې ګردېز ښاروال حبيبالرحمن منصور وويل چې بشپړې شوې اووه پروژې د ګردېز ښار بېلابېلو سيمو کې د ملګروملتونو د بشري هستوګنیزو ادارې «UN-Habitat» په مالي مرسته جوړې شوي چې ۳۵۰زره امريکايي ډالر لګښت پرې راغلی دی.
د سلاموطندار پښتو فېسبوکپاڼه وڅارئ
د ښاروال په وينا، په دغو پروژو کې يو لوی پُل، ۳۶۰ متره استنادي ديوال،۹۲۰ متره کرنیز کانالونه،۴۴۰ متره محافظتي ديوال او ګرديز ښار کې د لاسي توکو پلورونکو ته د ۹۰ غرفو کېښودل شامل دي.
د ګردېز ښار يوه اوسېدونکي هراتي منګل وويل چې د دې پروژې په بشپړېدو سره ښار ته د سېلاب اوبو مخه نيول شوې.
د نوموړي په وینا، سيمه کې يې يو پل او استنادي ديوال جوړ شوي چې پخوا به سيلاب راوتو پرمهال له ګڼو ستونزو سره مخ وو.
د ګردېز ښاريانو له موسسو او اړوند ادارو غوښتنه کوي چې د ګردېز ښار پراختيا او رغونې لپاره بايد ورته لاډېرې پروژې پلې کړي.