د میدانوردګ د طبیعي پېښو پر وړاندې د مبارزې ریاست مسوولان وایي چې د دغه ولایت چک ولسوالي کې د وروستیو اورښتونو له امله سېلابونه راوتلي او خلکو ته یې درانه مالي زیانونه اړولي دي.
د میدانوردګ د طبیعي پېښو پر وړاندې مبارزې ریاست رییس فیضالله جلالي سلاموطندار ته وویل، دغه سېلابونه تېره ورځ ناوخته «یکشنبه، چنګاښ ۲۴مه» راوتلي دي.
د سلاموطندار پښتو فېسبوکپاڼه وڅارئ
نوموړي زیاته کړه، د یادو سېلابونو له امله د کروندګرو فصلونه، کاریزونه او لوې لارې زیانمنې شوې دي.
ده وویل، د یادو سېلابونو له امله خلکو ته د سر زیان نده اوښتی ده او د دغه ولایت د طبعي پېښو پرضد مبارزې ریاست هڅه کوي چې د ورستیو اورښتونو او سېلابونو له امله زیانمنو شویو کرودندګرو او بڼوالو سره بیړنې مرستې وکړي.
باید وویل شي چې روان کال د دغه ولایت په بېلابېلو ولسوالیو کې د اورښتونو او سېلابونو له امله خلکو ته درانه زیانونه اوښتي دي.