د امریکا د ټکنالوژۍ نړیوال شرکت اپل اړوند «ایفون» موبایلونو د روان کال د اپرېل میاشتې پرمهال چین کې ښه خرڅلاو ته درلود او د پېر کچه یې ۵۲سلنه لوړه شوې وه.
د چین دولت اړوند د یوه څېړنیز راپور د معلوماتو له مخې، اپل د تېرکال د مارچ میاشتې په پرتله سږکال د اپرېل میاشت کې د ایفون موبایلونو ډېر خرڅلاو کړی چې ۵۲سلنه ډېروالی ښيي.
د سلاموطندار پښتو فېسبوکپاڼه وڅارئ
د ایفون موبایلون دغه خرڅلاو داسې مهال لوړ شوی چې د روان کال لومړیو کې یې بازار کمرنګه و. اپل شرکت چین کې د نورو سیالانو ترڅنګ په ځانګړې توګه د «هواوې ټکنالوژۍ» له سیالانو بلل کېږي.
د چین د مخابراتي او معلوماتي ټکنالوژۍ اکاډمي د معلوماتو له مخې چې سهشنبه، مې ۲۸مه یې خپاره کړي، ویلي، دغه هېواد ته تېره اپرېل میاشت کې د بهرنیو برانډ شرکتونو د وارد شویو موبایلونو شمېر ۳.۴۹۵ میلیونو ته رسېږي.
دغه شمېر بیا تېرکال ۲.۳۰۱ میلیونه موبایلونو ته رسېده. د اپل ونډو بازار ۲.۳سلنه وده کړې.