د کډوالو ستونزو ته د رسېدنې عالي کمېسیون راپور ورکړی چې یوازې پرون «پنجشنبه» ۹۰۶ کورنۍ بېرته افغانستان ته راستنې شوې دي.
د یاد کمېسیون د راپور له مخې، له نیمروز د ورېښمو پله (پل ابریشم) له لارې ۴۵ کورنۍ، د هرات له اسلامکلا بندر څخه ۱۸ کورنۍ، د کندهار له سپینبولدک لارې ۶۴ کورنۍ او د ننګرهار تورخم بندر له لارې ۷۷۹ کورنۍ هېواد ته راګرځېدلې دي.
بلخوا، ملګري ملتونه وايي چې یوازې ۱۱سلنه بېرته راستنېدونکي کډوال د کار زمینه لري چې دا چاره د بشري او اقتصادي اندېښنو کچه لا لوړه کړې ده.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د یادونې وړ ده چې تر دې دوه ورځې وړاندې هم شاوخوا ۷۰۰ کډوالې کورنۍ افغانستان ته ستنې شوې وې.
د ملګرو ملتونو د شمېرو له مخې، یوازې په ۲۰۲۵ کال کې شاوخوا ۲.۸ میلیونه افغان کډوال له ایران او پاکستان څخه بېرته هېواد ته راستانه شوي دي.
کارپوهان خبرداری ورکوي، چې د کډوالو دا لویه څپه د کار، سرپناه او لومړنیو خدماتو له جدي ننګونو سره مخ ده، او بېړنۍ نړیوالې مرستې ته اړتیا لري.