د خوست ولایت مقام یوه خبرپاڼه کې ویلي، د نادرشاهکوټ ولسوالي اړوند نهو کلیو کې د نږدې ۱۶ میلیون افغانیو په لګښت ۹ بېلابېلې پروژې بشپړې او ګټې اخیستنې ته وسپارل شوې.
خبرپاڼه کې راغلي چې یادې پروژې د کلیو د بیارغونې او پراختیا ریاست تر چتر لاندې، د یونپس مؤسسې په مالي ملاتړ پلي شوي چې د اوبو د ذخیروي بندونو، سربندونو، استنادي دېوالونو او د اوبو د کانالونو جوړول پکې شاملیږي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
خبرپاڼه کې د ولايتي مسوولانو په خبره ویل شوي چې یادې پروژې به د خلکو د ژوند د ښهوالي ترڅنګ، د سیمهییز اقتصاد، کرنې او د کلیوالو د عایداتو په پیاوړتیا کې مهم رول ولري.
د دغو پروژو څخه نږدې ۱۳۱۲ کورنۍ په مستقیم ډول ګټه پورته کوي او د تطبیق پر مهال پکې لسګونه خلکو ته د کار زمينه هم برابره شوې وه.
د سیمې اوسېدونکو د دغو پروژو له پلي کېدو خوښي څرګنده کړه او د ورته نورو پروژو پلي کيدو غوښتنه یې هم وکړه.