د غزې روغتیايي چارواکو ویلي، اسراییلي ځواکونو یوازې تېره ورځ ۷۱ فلسطینیان د بشري مرستو ترلاسهکولو پرمهال وژلي او ګڼ شمېر نور ټپیان کړي.
د راپورونو پر اساس، تېرو شاوخوا دریو میاشتو کې د اسراییلي ځواکونو لخوا د مرستو په لټه کې له ۱۰۰۰ ډېر فلسطینیان وژل شوي.
راپورونو کې ویل شوي چې د غزې روغتونونو کې د لوږې او خوارځواکۍ له امله هم د ۷ نورو کسانو مړینې ثبت شوي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
دا داسې مهال دی چې غزه کې مرستندویه ادارې او روغتیايي چارواکي د لوږې د زیاتېدو خبرداری ورکوي.
د غزې د روغتیا وزارت په وینا، هلته ۱۵۴ کسان چې ۸۹ ماشومان هم پکې شامل دي، د خوارځواکۍ له امله مړه شوي دي.
د ملګرو ملتونو سازمان غزه کې وضعیت مرګونی او وحشتناکه بللی او هرڅه ژر یې د اوربند د ټینګښت او د اسراییل له لوري د غزې د محاصرې پایته رسولو غوښتنه کړې ده.