د کډوالو او بېرته راستنېدونکو چارو وزارت وايي چې ۴۳۳ افغان بنديان د پاکستان او عراق له زندانونو ازاد او هېواد ته رالېږدول شوي دي.
دغه وزارت نن پنجشنبه، لړم ۱۵مه، په خپره شوې خبرپاڼه کې ویلي چې له دې ډلې ۴۳۰ کسان د سپینبولدک له لارې او درې نور د نیمروز له لارې افغانستان ته ستانه شوي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د وزارت په وینا، دغه افغانان د پاکستان په زندانونو کې دوه میاشتې او په عراق کې شاوخوا شپږ میاشتې بندیان وو.
په همدې مهال، د پاکستان او ایران څخه د افغان مهاجرو د بېرته ستنېدو لړۍ لاهم روانه ده. یوازې د پرونۍ ورځې په ترڅ کې شاوخوا ۱۴ زره افغانان له دې دوو هېوادونو افغانستان ته راستانه شوي دي.