د کډوالو ستونزو ته د رسېدو عالي کمېسیون وايي چې پرون «شنبه، سلواغې یوولسمه، ۳۵۰ کورنۍ له ګاونډیو هېوادونو څځه بېرته هېواد ته راستنې شوي دي.
د یاد کمېسیون په وینا، اته کورنۍ د نیمروز د ورېښمو پُل له لارې، څلور کورنۍ د هرات د اسلامکلا له لارې، ۲۰ کورنۍ د کندهار د سپینبولدک له لارې او ۳۱۸ کورنۍ د ننګرهار د تورخم له لارې هېواد ته داخلې شوې دي.
راپور زیاتوي چې تر دې دوه ورځې وړاندې هم شاوخوا ۴۰۰ کورنۍ افغانستان ته راستنې شوې وې.
بلخوا، د ملګروملتونو سازمان ویلي چې یوازې ۱۱سلنه بېرته راستنېدونکي پر کار بوخت دي چې دا چاره د راستنېدونکو د اقتصادي ستونزو اندېښنې لازیاتوي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د ملګروملتونو د معلوماتو له مخې، په ۲۰۲۵کال کې شاوخوا ۲.۸ میلیونه افغانان له ایران او پاکستان څخه افغانستان ته راستانه شوي دي.
نړیوال بنسټونه خبرداری ورکوي چې د کار، سرپناه او بنسټیزو خدمتونو نشتوالی د راستنېدونکو کډوالو پر وړاندې سترې ننګونې رامنځته کړې دي.