غزه کې پر یوه ښوونځي د اسراییلي ځواکونو د برید له امله لږ تر لږه ۳۰ فلسطیني وګړي وژل شوي دي.
د فلسطین روغتیايي چارواکي وايي چې دې ښوونځي د جګړې بېځایه شوي مېشت وو.
د سلاموطندار پښتو فېسبوکپاڼه وڅارئ
اسراییلو بیا ویلي، برید کې یې هغه وسلهوال په نښه کړي چې له دې ودانۍ یې ګټه اخیستله.
حماس ډلې بیا ویلي چې په دې برید کې ۱۵ ماشومان او اته مېرمنې وژل شوي دي. برید د دیرالبلاح ښار په مرکزي سیمه کې شوی دی.
غزه کې د روغتیا وزارت ویلي چې برید کې له ۱۰۰ ډېر کسان ټپیان شوي هم دي. پر غزې د اسراییلي ځواکونو د برید راهیسې، تر دې مهاله څه باندې ۳۹زره کسان وژل شوي او له ۹۰زره ډېر نور ټپیان شوې دي.
میلیونونه کسان خپلو مېنو پرېښودو ته اړ شوي او همدومره نور له سختې لوږې سره مخ دي. د غزې په جګړه د اسراییلي ځواکونو څه باندې ۳۲۸ سرتیري هم وژل شوي دي.