د خوست کرنې، اوبولګولو او مالدارۍ ریاست څخه نن شنبه، لړم ۲۴مه، په يوې خبرپاڼه کې ویل شوي چې بزګرانو ته د ۳۰ نمایشي قطعو جوړولو لپاره اصلاح شوي تخمونه او کیمیاوي سرې ورکړل شوي دي.
دغه مرسته د ياد رياست د کرنیزو چارو امریت اړوند کرنیزو چارو عمومي مدیریت له لوري د غنمو حاصلاتو د لوړولو او د نویو کرنیزو طریقو د عامولو په موخه د خوست په مرکز او ولسوالیو کې بزګرانو سره شوي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
هر بزګر ته ۲۵ کیلوګرامه اصلاح شوی د غنمو تخم، ۵۰ کیلو یوریا سره او ۲۵ کیلو ډيپي (DAP) سره ورکړل شوې ده.
د خوست کرنې، اوبولګولو او مالدارۍ ریاست له بزګرانو غواړي چې د معیاري کرنیزو لارو چارو په پلي کولو کې جدي پام وکړي، څو د غنمو حاصلات زیات او د خوست کرنیز اقتصاد نور هم پیاوړی شي.