د عامې روغتیا وزارت ویاند شرافت زمان امرخېل سلاموطندار سره خبرو کې ویلي، د ۲۰۲۵کال وروستیو درېوو میاشتو کې ۳.۸ میلیون ناروغانو د هېواد دولتي روغتونونو ته مراجعه کړې ده.
د نوموړي په وینا، په دې موده کې د نږدې ۲.۴ میلیونه ناروغانو عمرونه له ۵ کلونو زیات دي. ۱.۴ میلیون هغه ناروغان دي چې له پنځو کلونو کم عمر لري.
په ورته مهال د عامې روغتیا وزارت د ویاند په وینا، دا هغه ناروغان دي چې ټوخي، زکام او تنفسي ناروغانو باندې اخته شوي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
تر ټولو ډېره د یادو ناروغیو اصلي لامل د هوا ککړتیا بلل شوې ده.
هغه وویل: «یقینا تېرو کلونو ته دغه واقعات زیات شوي او زمونږ د ولسونو لپاره د اندېښنې خبره ده، په دغسې حالاتونو کې باید ولسونو ته عامه پوهاوی وشي د ناروغانو ګراف باید راټيټ شي، د وقایوي تدابیرو په عملي کولو پر وخت درملنې عملي کولو سره مخه یې ونیسو.»
د عامې روغتیا وزارت د معلوماتو له مخې، دغه ارقام د ټول هېواد دي او ډېره سلنه یې پر نفوسه ښارونو کې ده. یاد وزارت همداراز ویلي چې د ناروغیو مخنیوي په تړاو یې عامه کنفرانسونه جوړ کړي، څو خلکو ته عامه پوهاوی ورکړي.