د خوست ښاروالي مسوولان وايي چې د مرکز متون ښار شپږو ناحيو کې يې د ۳.۳ میلیونه ډالرو په ارزښت د ۲۸ پروژو چارې بشپړې کړې دي.
په بشپړو شویو پروژو کې د ۳۳ کيلومتره په اوږدوالي د فرعي سړکونو او کوڅو کانګريټ شامل دي.
د سلاموطندار پښتو فېسبوکپاڼه وڅارئ
د خوست ښاروال قاري بسمالله بلال د يادو پروژو د ګټېاخیستنې په اړه جوړو شویو مراسمو ته وويل چې يادې پروژې د ښار بېلابېلو برخو کې بشپړې شوي دي.
هغه زیاته کړه چې د ښار فرعي سړکونه او کوڅې په پاخه او کانګريټي ډول رغول شوي چې ورسره به د ښاريانو ژوند کې اسانتیاوې رامنځته شي.
هغه وويل په يادو پروژو ټولټال ۳,۳ ميلونه ډالره لګښت راغلی چې د يونپس «د پروژي خدماتو لپاره د ملګروملتونو» ادارې لهخوا ورکول شوی دی.
ښاروال زياتوي چې يادو پروژو کې ۹زره کسانو ته د کار زمينه هم برابره شوې وه. په ورته مهال د خوست ښار اوسېدونکي هم د يادو پروژو د پليکېدو له امله خوښ دي.
د خوست مرکز متون د شيخ زايد پوهنتون د استادانو ښارګوټي یوه اوسېدونکي اسلم هڅاند وويل چې پخوا يې کوڅې خامې او کنډ-کپر وې چې له ګڼو ستونزو سره لاس او ګرېوان وو.
نوموړي وويل چې په ځينو هستوګنيزو سيمو کې لاهم کوڅې او فرعي سړکونه خام پاتي چې د جوړېدو لپاره يې بايد ښاروالي اقدام وکړي.