د راپورونو پر اساس، پر لبنان د اسراییل د تېرې ورځې بریدونو کې لږ تر لږه ۲۵۴ کسان وژل شوي او تر زرو ډېر ټپیان دي.
د لبنان د ملکي دفاع ادارې د مالوماتو له مخې، د اسراییل دغه بریدونه د امریکا او ایران ترمنځ د اوربند له اعلان څو ساعته وروسته، د بیروت په مرکزي برخه کې په ګڼو سوداګریزو او استوګنیزو سیمو پرته له کوم خبرداري شوي.
پر لبنان د اسراییل دغه بریدونه داسې مهال دي چې د امریکا ولسمشر ډونالډ ټرمپ له څه باندې یوې میاشتې جګړې وروسته تېره ورځ وویل، د ایران پر وړاندې بریدونه د دوو اونیو لپاره ځنډوي.
دې سره، د برتانیې او فرانسې بهرنیو چارو وزیرانو ټینګار کړی چې لبنان دې هم د ایران او امریکا ترمنځ د اوربند هوکړه کې شامل شي.