د غزې په بېلابېلو سیمو کې د اسراییلو د بریدونو له امله یوازې نن «شنبه، اګسټ دویمه» ۲۴ کسانو خپل ژوند له لاسه ورکړی دی.
په وژل شویو کې ۱۳ کسان مرسته ترلاسه کوونکي وو چې د مرستو ترلاسه کولو لپاره د مرستو وېش مرکز مخېته ولاړ وو.
همداراز غزه کې د لوږې له امله د څو نورو کسانو د مړینې خبر هم ورکړل شوی دی. تراوسه غزه کې د لوږې له کبله ۱۶۲کسان مړه شوي چې ۹۲ یې ماشومان دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د اسراییلو د بریدونو پیل راهیسې تر دې مهاله غزه کې څه باندې ۶۰زره کسانو خپل ژوند له لاسه ورکړی او څه باندې ۱۴۷زره کسان بیا ټپیان دي.
تېره ورځ هم د اسراییلي ځواکونو د هوايي او ځمکنیو بریدونو له امله لسګونه کسانو خپل ژوند له لاسه ورکړی او یوشمېر نور بیا ټپیان شوي وو.