له ایرانه د سوداګریزو توکو باروړونکی اورګاډی هرات ته ورسېد
د اسلامي امارت ویاند ذبیحالله مجاهد وایي، تېره شپه د سوداګریزو توکو یو باروړونکی اورګاډی د هرات–خواف د اوسپنې پټلۍ له لارې د هرات د روزنک تمځای ته رسېدلی دی.
مجاهد نن جمعه، د کب ۱۵مه، په خپره کړې خبرپاڼه کې ویلي چې دغه اورګاډي د سوداګریزو توکو ۳۷ واګنونه درلودل او د هرات–خواف د اوسپنې پټلۍ له لارې د توکو لېږدرالېږد په عادي ډول روان دی.