د وروستیو میاشتو پرمهال په نړیوالو بازارونو کې د سرو زرو بیو لوړېدو سره دې چارې په هېواد دننه پر یوشمېر کورنیو منفي اغېز کړی او له ستونزو سره یې مخ کړي دي.
یوشمېر هغه کورنۍ چې د خپلو اولادونو د واده لپاره پر چمتووالي بوخت دي، سلاموطندار ته وايي چې د سرو زرو بیو لوړېدو دوی تر سخت فشار لاندې راوستې دي.
پروان کې یوشمېر کروندګر وايي چې د ژمي سخته سړه هوا او د معیاري ګلخونو کمښت، د تولید لوړ لګښت او د منظم بازار نشتوالي، د ژمي د سبزۍ کرلو چارې له ستونزو سره مخ کړي دي.
سلاموطندار د هېواد په بېلابېلو ولایتونو له ۳۰ مېرمنو سره مرکې کړي چې د مرکو پرمهال موندل شوې، ښوونیز او کاري محدودیتونو دوی اړ کړې چې په خپل کور کې په خپلسري توګه خیاطي، نقاشي او نورې حرفې زدهکړي.
که څه هم دوی له امکاناتو له کمښت شکایت لري، خو د یادو له ډلې ۱۸ هغه یې، بریالۍ شوي چې له دې لارې ثابت درامد ولري.
د کولمبیا چارواکو اعلان کړی چې د دې هېواد په شمالختیځ کې د یوې الوتکې د غورځېدو له امله لږترلږه ۱۵ کسان وژل شوي چې په وژل شویو کې یو قانونجوړونکی هم شامل دی.
د ملګروملتونو د بشري مرستو د همغږۍ دفتر (اوچا) اعلان کړی چې په ۲۰۲۶کال کې شاوخوا ۱۴ میلیونه او ۴۰۰زره کسان په افغانستان کې روغتیايي خدمتونو ته اړتیا لري.
اوچا نن پنجشنبه، د سلواغې ۹مه (د جنورۍ ۲۹مه)، په یوې خبرپاڼه کې ویلي چې له دې شمېر کسانو څخه به نږدې ۷ میلیونه او ۲۰۰زرو ته روغتیايي خدمات وړاندې شي.
ټاکل شوې چې د پاکستان په کوربهتوب نن پنجشنبه، جنورۍ ۲۹مه، د یاد هېواد کرېکټ ملي لوبډله د اسټرالیا کرېکټ ملي لوبډلې سره د درېوو شل اووره سیالیو لومړۍ لوبه وکړي.
ټاکل شوې چې دغه لوبه نن له غرمې وروسته ۳:۳۰ د پاکستان د لاهور ښار په «قذافي کرېکټ لوبغالي» کې پیل شي.
د کډوالو ستونزو ته د رسېدنې عالي کمېسیون اعلان کړی چې ایران او پاکستان یو زرو او ۶۴۸ افغانان له یادو هېوادونو ایستلي دي.
یاد کمېسیون په یوه خبرپاڼه کې ویلي چې دغه کسان پرون چهارشنبه، د سلواغې ۸مه، د هرات د اسلامکلا، د نیمروز د ورېښموپُل، د کندهار د سپینبولدک، د ننګرهار د تورخم او د هلمند د بهرامچې له لارو افغانستان ته راستانه کړي دي.
د پاکستان سمندري ځواک د ګډو سمندري ځواکونو (CMF) د ځانګړې ډلې ۱۵۰ (CTF-150) مشري پر غاړه واخیسته چې له مخې به یې، دغه ډله د عمان په خلیج، عرب سمندر او هند سمندر کې د وسلو او نشهیي توکو د قاچاق پر ضد مبارزه کوي.
د ایران د بهرنیو چارو وزیر سیدعباس عراقچي، د امریکا د ولسمشر د وروستیو ګواښونو په غبرګون کې ویلي چې د دې هېواد ځواکونه «ګوته په ماشه» دي او د ایران پر وړاندې د هر ډول تېري په صورت کې به «سمدستي او په پوره ځواک» ځواب ورکړي.
د ننګرهار د امنیې قومنداني د مطبوعاتو مسوول سیدطیب حماد وایي چې د دې ولایت د جلالاباد ښار د اوومې امنیتي حوزې اړوند د مرکزي غوچکو په سیمه کې بیګاه شپې ۱۲ بجې د هستوګنې یو کور نړېدلی چې له امله یې، اووه کسان مړه شوي او یو بل ټپي دی.
