د نړۍ د کاتولیک عیسویانو مشر، پاپ لېو ویلي چې د اسراییلو او فلسطینیانو ترمنځ ترمنځ د کلونو اختلاف او شخړو یوازینۍ حل لاره د فلسطین د خپلواک دولت جوړول دي.
پاپ لېو چې د تاریخ لومړنی امریکایي پاپ دی، له ترکیې څخه لبنان ته د سفر پرمهال په الوتکه کې له خبریالانو سره په خبرو کې زیاته کړې چې واتیکان له کلونو راهیسې د فلسطین د خپلواک دولت د جوړېدو ملاتړ کړی دی.
د سره صلیب نړیوالې کمېټې اعلان کړی چې سعودي عربستان له افغانستان سره یو میلیون ډالر مرسته کړې ده.
دغه مرسته به د افغانستان په کرنې برخه کې د سکتور پیاوړتیا او د خوړو د خونديتوب د ستونزو د کمولو لپاره ولګول شي.
د خوست ولايت مقام څخه نن دوشنبه، لیندۍ لسمه، په رالېږل شوې خبرپاڼه کې ویل شوي چې سبا سهشنبه، لس بجې د خوست په ورزشي سټېډیوم کې پر یوه کس د قصاص حکم جاري کېږي.
د خبرپاڼې له مخې، د اسلامي شریعت د احکامو د تنفیذ او تطبیق په لړۍ کې، د اسلامي امارت قضایي ارګانونه، د علیشیرو او تریزيو ولسوالي اړوند دردونکي پېښې د یوه قاتل په اړه د قصاص حکم عملي کېږي.
د يادو پروژو د ګټېاخيستنې مراسمو کې د پکتيا د کليو بيارغونې او پراختيا ريس مولوي خان محمداحمد وويل چې يادې پروژې د ملګروملتونو د پروژي خدمتونو دفتر«UNOPS» په مالي لګښت او د خلکو په مشرۍ د پرمختګ موسسې په تخنيکي همکارۍ بشپړې شوې دي.
د امریکا ولسمشر ډونالډ ټرمپ تایید کړه چې د ونزوېلا له ولسمشر نیکولاس مادورو سره یې تېره اوونۍ ټیلیفوني خبرې کړې دي.
دغه خبر په داسې وخت کې خپریږي چې د کارابین په سیمه کې د امریکایي ځواکونو حضور زیات شوی او راپورونه ښيي چې متحده ایالات ښايي د ونزوېلا پر ضد د پوځي عملیاتو لپاره چمتووالی نیسي.
د ایران د بهرنیو چارو وزارت ویاند، اسماعیل بقایي، وايي چې اروپایي هېوادونو د نوو پرېکړهلیکونو د مسودو پر وړاندې کولو سره د ايران د اټومي موضوع په اړه د مذاکراتو لاره «له خنډ سره» مخ کړې ده.
هغه ټینګار وکړ چې د ایران سولهییز اټومي حق باید په رسمي توګه وپېژندل شي.
د هرات محلي چارواکي وايي چې د روان لمریز کال په لومړیو اوو میاشتو کې د دې ولایت نزدې ۲۰ میلیونه (۱۹,۹۷۱,۱۸۷) کیلوګرامه وچه مېوه تر شلو څخه ډېر هېوادونو ته صادره شوې ده.
دغو هېوادونو کې اتریش، بلجیم، کاناډا، هالېنډ، جرمني، امریکا، ایران، قطر، ترکیه، هند، عربستان او یوشمېر نور شامل دي.
د افغانستان لپاره د ملګروملتونو پراختیايي ادارې(UNDP) اعلان کړی چې لږترلږه ۱۳زره افغانان پر ایدز ناروغۍ اخته شوي دي.
د ملګروملتونو پراختیايي ادارې(UNDP) دا معلومات نن د دوشنبه، لیندۍ لسمه / دسمبر لومړۍ نېټه د ایدز د نړېوالې ورځې په مناسبت پر خپله اېکسپاڼه خپاره کړي دي.
د لوګر د صنعت او سوداګرۍ ریاست مسوولان وایي چې د ښځینه متشبثینو له لوري درې نوي تولیدي شرکتونه جوړ او په رسمي ډول یې فعالیت پیل کړی دی.
د لوګر د صنعت او سوداګرۍ رییس مولوي شبیراحمد صدیقي، سلاموطندار ته وویل چې دغه شرکتونه د کورنیو خوړو د تولید، لاسي قالینبافۍ او زراعتي پروسس په برخو کې فعالیت کوي.
د سمنګان د خُلم ولسوالي د «حاجيکریم» کلي اوسېدونکی ۵۲کلن رمضاني هغه پلار دی چې له ۲۳ ورځو وروسته لاهم د خپلې ځوانې لور نصیرې په وېر ناست دی.
ده سره داسې مهال مخ کېږو چې د نږدې یوې میاشت ورځې وړاندې زلزله کې د خپلې شهیدې شوې لور له قبر راستون شوی دی.
