د ریاستالوزراء اقتصادي مرستیال ملا عبدالغني برادر ټولو سوداګرو ته سپارښتنه کړې چې پاکستان کې خپل قراردادونه د درېوو میاشتو په موده کې راټول او د یاد هېواد پر ځای دې نورو هېوادونو څخه توکي راوارد کړي.
نوموړي نن چهارشنبه، لړم ۲۱مه کابل کې د یوې ناستې پرمهال وویل چې پاکستان په وار وار د سوداګرۍ پرمخ لارې تړلي او په وینا یې، د دواړو هېوادونو سوداګر یې، زیانمن کړي چې دوی اړ شوي ورته پرېکړه وکړي.
روسیې اعلان کړی چې ځواکونو یې د اوکراین د پوکروفسک او کوپیانسک ښارونو پر لوري پرمختګ کړی دی. خپور شوی ویدیو ښيي چې روسي سرتېري د موټرسایکلونو او زړو وسایطو په مرسته پوکروفسک ته ننوځي.
د اسراییلو حکومت له څو میاشتو وروسته د زیکیم ځمکني بندر بیا پرانیست چې غزې تړانګې ته د بشري مرستو د داخلېدو لپاره کارول کېږي.
د هلمند ولایت ګرشك ولسوالۍ کې د ښاروالۍ د نوې ودانۍ د جوړېدو او د زاړه بازار د درېيو سړکونو د قيراچونې چارې د ۱۸ ميليونه او ۸۵۶ زره افغانيو په ارزښت په رسمي توګه پیل شوې.
د ملګروملتونو پراختیايي پروګرام (UNDP) په تازه راپور کې ویل شوي چې د افغانستان اقتصادي بیا رغونه له سختو ننګونو سره مخ ده او په وینا یې، د هېواد لسو کې نهه کورنۍ د لوږې، پورونو او د شتمنیو د پلور له لارې د ژوند تېرولو ته اړ شوې دي.
کونړ کې په ځانګړي ډول څوکۍ ولسوالي کې د شاوخوا دوه میاشتې وړاندې زلزلې د پوهنې سکتور ته پراخ زیانونه اړولي دي.
د کونړ د پوهنې ریاست مسوولان وایي چې دې طبیعي پېښې د څوکۍ ولسوالي له ۳۳۰ څخه ډېر زدهکوونکي او ښوونکي شهیدان او ټپیان کړي دي.
