کندوز کې ځوان ګرافیک ډیزاینر احمدجاوید هنرمند وايي، له شپږ کلنۍ یې له هنر سره مینه درلوده او له همدې کبله د ګرافیک نړۍ ته راغلی دی.
د نوموړي په وینا، ګرافیک یوازې یوه دنده نه، بلکې هنر دی چې ژوند ته مانا ورکوي. هغه په ګرافیک ډیزاین کې له مصنوعي ځیرکتیا ګټه اخیستنه مثبت ګام بولي.
د کندهار د کرنې اوبولګولو او مالدارۍ ریاست مسوولان وايي چې دغه ولایت کې د ۷.۵ میلیونه افغانیو په لګښت درې چکډېمونه جوړ او ګټېاخیستنې ته سپارل شوي دي.
دغه چکډېمونه د کرنې او مالدارۍ وزارت د پراختیایي بودیجې په مرسته، د کندهار د کرنې، اوبولګولو او مالدارۍ ریاست تر رهبرۍ لاندې او د طبعي سرچینو آمریت په تخنیکي همکاري جوړ شوي دي.
د هرات د ارشاد، حج او اوقاف ریاست چارواکي وایي، نن (سهشنبه، د تلې ۲۲مه) د دې ولایت د رباط سنگي ولسوالي په تورغنډۍ بندر کې د یوه جامع جومات د جوړولو چارو پیل شوې.
د ارشاد، حج او اوقاف رییس بازمحمد نایاب وايي، دغه جومات د یاد وزارت د پراختیايي بودیجې په لګښت، د اسلامي امارت د مشر د فرمان له مخې، د دیني مرکزونو د پراختیا او آبادۍ په هدف جوړېږي.
د ټولګټو وزارت ویاند محمداشرف حقشناس نن سهشنبه (د تلې ۲۲مه) «سلام وطندار» ته ویلي چې د سالنګونو لویې لارې د تونلونو د ترمیم پروژې د پلي کولو په موخه، دغه لار به د ۱۴۰۴کال د تلې له ۲۷مې نېټې څخه د لړم تر ۶مې نېټې پورې په بشپړ ډول تړل شوې وي.
حقشناس له موټرچلونکو وغوښتل چې د دې ۱۰ ورځو په موده کې سالنګونو لویې لارې ته د تګ پر ځای د دوشي – بامیان بدیل لاره وکاروي.
د سوریې د لنډمهالي حکومت ولسمشر احمدالشرع وايي چې نه غواړي د اسراییلو او یا هم د کوم بل هېواد لپاره د ګواښ په توګه واوسي.
نوموړي له امریکايي شبکې CBS News سره په ځانګړې مرکه کې ویلي، له هغه وخته چې دی دمشق ته راغلی، د اسراییلو پر ضد هېڅ ډول پارونکی اقدام نهدی شوی او نه هم غواړو د اسراییل یا بل کوم هېواد لپاره د ګواښ سرچینه واوسي.
راپورونه ښيي چې له تېرې جمعې راهیسې، غزه کې د اوربند له اعلان وروسته، د حماس یوشمېر ځواکونه په غزه کې ځای پر ځای شوي، خو له دې سره هممهاله د غزې ختیځ لور ته د زورورو چاودنو غږونه هم اورېدل شوي دي.
د بلخ امنیتي چارواکي وايي، د روان کال د لومړیو شپږو میاشتو پرمهال د ترافیکي پېښو له امله ۷۷ کسانو خپل ژوند له لاسه ورکړی دی.
د بلخ امنیه قومنداني نن سهشنبه (تلې ۲۲مه) اعلان کړی چې دا کسان د ۱۵۵ ترافیکي پېښو په پایله کې، د مزارشریف ښار په مرکز او د دې ولایت پر لویو لارو کې مړه شوي دي.
په چین کې د افغانستان د اسلامي امارت سفیر بلال کریمي، ویلي، تر هغو چې د پاکستان دننه د «شریره کړۍ» کنټرول نهشي، په سیمه کې به دوامدار ثبات رامنځته نهشي.
هغه لیکلي: «پاکستان کې شریره کړۍ د سیمې د امنیت پر وړاندې د یوې سرطاني غدې په څېر راڅرګنده شوې ده. دا یوه مصنوعي پروژه ده چې د سیمې د سولې او ثبات پر وړاندې خنډ ګرځېدلې ده.»
ونزوېلا اعلان کړی چې د خپلو دیپلوماتیکو سرچینو د «ستراتېژیک وېش» په موخه، په ناروې او اسټرالیا کې خپلې سفارتخوني تړي او پر ځای به
د پکتيا صنعت او سوداګری رياست مسوولان وايي چې د لومړي ځل لپاره د سوېل ختيځ زون په کچه پکتيا کې د صادراتي اسنادو تاییدي لپاره واحد مرکز پرانيستل شوی دی.
د پکتيا د صنعت او سوداګری رياست رییس مولوي عظيم خان عظيمي د ياد مرکز پرانيستې مراسمو کې وويل چې په دې مرکز کې به د شاوخوا شپږو رياستونو او نورو اتحاديو استازي موجود وي او د صادراتي توکو اسناد به ژر خلاصيږي.
د هلمند ځايي مسوولان وايي، بهرامچې ولسوالي کې د زرګونه لېټره تېلو او زرګونه کیلو میسو د قاچاق مخه ونیول شوه. د هلمند د اطلاعاتو
