Day: مهر ۱۷, ۱۴۰۴

یو شمېر هغه ښځې چې زامن نه‌لري وايي، په پرلپسې ډول د نجونو زېږون په دلیل تاوتریخوالي سره مخ شوي.
دغو ښځو ویلي، د امیندوارۍ پرمهال او له زېږون وروسته له اړینې پاملرنې بې‌برخې پاتې شوي او د خپلو مېړونو په کورنیو کې په سپکاوي او بدو نومونو یادې شوي.
په دغه راپور کې له هغو ښځو سره خبرې شوي چې له پنځو تر اته لوڼې لري او له ودونو یې ۱۲ تر ۲۰ کلونو تېر شوي.

په افغاني ټولنه کې که له یوې خوا نجونو سره د واده کولو پرمهال مشوره نه‌کیږي، بل ناوړه دود دا دی چې د دوو کورنیو ترمنځ بدیو کې د روغې جوړې پرمهال نجونې یو بل ته ورکول کیږي.
په بدو کې ورکړل شوې نجونې وايي، د ژوند ټولې هیلې یې په اوبو لاهو شي، سختۍ او کړاونه یې پیل او د مرګ تر وخته ځوریږي.