د ایران ولسمشر له اسلامي هیوادونو غوښتي چې اسراییلو سره اړیکې پرې کړي

د ایران ولسمشر مسعود پزشکیان د دوحې سرمشریزې ته له تلو وړاندې ویلي، دا ممکنه ده چې اسلامي هېوادونه له اسراییل سره خپلې اړیکې قطع کړي او تر ممکنه حده یووالی وساتي.

هغه هیله څرګنده کړه چې اسلامي هېوادونه د اسراییل پر وړاندې متحد شي او وکولی شي د اسراییل اقدماتو پر ضد ګډ او یو موټي دریځ ته لاسرسی پیدا کړي.

ټرمپ: قطر مو ستر متحد دی او اسراییل باید ډېر محتاط واوسي

د امریکا ولسمشر ډونالډ ټرمپ دوحه کې د اسراییل له برید وروسته له دغه هېواده غوښتي چې ډېر محتاط واوسي.
ټرمپ د نیوجرسي ایالت د «موریس ټاون» هوايي ډګر کې خبریالانو سره د خبرو پرمهال وویل، قطر د امریکا یو ستر متحد دی او اسراییل باید په دې اړه «ډېر ډېر» محتاط واوسي.
د هغه په وینا، د حماس پر وړاندې هڅې باید متوازنې وي.

اسلامي امارت د ټرافیکي پېښو د مخنیوي طرحې د ارزونې غونډه کړې

اسلامي امارت هېواد کې د ټرافیکي چارو د تنظیم او د ټرافیکي پېښو مخنیوي طرحې د ارزونې غونډه ترسره کړه.
دغه غونډه کې ښارونو او لویو لارو کې د ټرافیکي نښو پر لګولو، ګولایانو کې د هندارو په نصبولو، لویو لارو کې د کرښو په ایستلو، د نقلیه وسایطو په تخنیکي معاینې او موټر چلوونکو د روغتیایي خوندیتوب کارټونو په وېش هر خبرې شوي.