د غزې د روغتونونو طبي سرچینو د الجزیرې شبکې ته ویلي، د جمعې سهار (اګست ۲۹) له راپیل راهیسې د اسراییلو بریدونو کې لږترلږه ۴۱ فلسطینیانو ژوند له لاسه ورکړی دی.
د وژل شویو په منځ کې درې هغه کسان هم شامل دي چې د مرستو د ترلاسه کولو لپاره په لیکو کې ولاړ وو.
د ملګروملتونو سرمنشي انتونیو ګوترېش د اسراییلو له لوري د غزې ښار د احتمالي اشغال پر پلان سخته اندېښنه څرګندې کړې او هغه یې د یوې نوې او خطرناکې مرحلې پیل بللی دی.
نوموړي پر ټولنیز شبکه «ایکس» لیکلي: «غزه یو ځل بیا له مرګونو تنشونو سره مخ ده. د اسراییلو اعلان چې غواړي د غزې ښار اشغال کړي، د یوې نوې او خطرناکې مرحلې نښه ده.»
په مزارشریف ښار کې د «بلخ کانټینینتال» په نوم یو معیاري او عصري د واده هوټل د شاوخوا دوه میلیونه ډالرو په لګښت جوړ شوی چې نن جمعه، وږي اوومه په رسمي توګه پرانېستل شو.
د دې هوټل عمومي مسوول حفیظ طاهري وايي چې د یادې پروژې موخه د ځوانانو د اړتیاوو پوره کول او د کورنیو اقتصادي ستونزو په پام کې نیول دي.
د بدخشان د امنیې قومنداني مسوولان وايي، په دې ولایت کې د درېوو جلا ـ جلا ترافیکي پېښو له امله څلور کسانو خپل ژوند له لاسه ورکړی او څلور نور ټپیان شوي دي.
د بدخشان د امنیې قومنداني ویاند احسانالله کامګار وايي، په لومړۍ پېښه کې چې د یفتل ولسوالي د «درهی راست» په سیمه کې د یوه موټر د لېږد پرمهال کښتۍ ډوبه شوې چې درې کسان له امله مړه شوي او دوه نور ټپيان دي.
د هلمند د اطلاعاتو او فرهنګ رییس حافظ عبدالبار راشد وايي، د «هلمند بولان ساختماني او سرک جوړونې شرکت» سره د دغه پُل د جوړولو رسمي قرارداد د هلمند والي مولوي عبدالرحمن مسلم کندوزي او د شرکت مسوولانو لهخوا د ۳،۲ میلیونه امریکایي ډالرو په ارزښت لاسلیک شوی دی.
د اسلامي امارت د مشرتابه د حکم پربنسټ، د کرنې، اوبولګولو او مالدارۍ وزارت له لوري د کندهار ښار په عینومېنه ښارګوټي کې شاوخوا دوه زره جریبه ځمکه د هدیرې لپاره د حج او اوقاف وزارت ته سپارل شوې ده.
