د سرپرست حکومت رییسالوزراء ملا محمدحسن اخند د چین بهرنیو چارو وزیر وانګ یي او مل پلاوي سره نن چهارشنبه، زمري ۲۹مه، په ګلخانې ماڼۍ کې لیدلي دي.
محمدحسن اخند په دې لیدنه کې ویلي، چین او افغانستان دوه ښه او اوږدمهالي ملګري دي او په وینا یې، په نړیوالو غونډو کې د افغانستان په اړه د چین د مثبت دریځ، ملاتړ او د همکاریو ستانه کوو.
د اوکراین ولسمشر ولودېمیر زېلېنسکي وايي چې روسي ځواکونو نن چهارشنبه، د اوکراین په سوېلي سیمه اوډېسا کې د ګازو د وېش یو مرکز په
د ایران د دفاع وزیر عزیز نصیرزاده وايي، که اسراییل پر دغه هېواد هر ډول برید وکړي، تهران به د خپلو پرمختللو توغندیو په وسیله تلابیب ته ځواب ورکړي.
نصیرزاده په څرګنده توګه وویل، هغه توغندي چې د ایران ځواکونو د تېرې ۱۲ ورځنۍ جګړې پرمهال کارولي، څو کاله مخکې د دفاع وزارت له لوري جوړ شوي وو.
د پنجاب وزیراعلی مریم نواز وايي چې د نوموړې حکومت د صوبې د زیربنا د معیاري کولو لپاره نه ستړېکېدونګې هلې ځلې کوي او موخه یې دا ده چې پنجاب د جاپان په څېر پرمختللې کچه ته ورسوي.
نوموړې د جاپان په پلازمېنه توکیو کې له پاکستاني ټولنې سره د لیدنې پرمهال څرګنده کړه چې د پنجاب په بېلابېلو دولتي ادارو کې لاهم د پام وړ پرمختګونه شوي دي.
د اسټرالیا د ګرافیک ډیزاین مشهورپلټفارمCanva اعلان کړی چې د کارکوونکو د ونډو د پلور پروګرام یې پیل کړی او د دې پروسې پر بنسټ د شرکت ارزښت ۴۲ میلیارده ډالرو ته رسېږي.
دغه اقدام د چهارشنبې په ورځ رسماً اعلان شو، په داسې حال کې چې راپورونه ښيي Canva سږ کال د عامه ونډو د وړاندې کولو یاIPO لپاره تیاری نیسي.
د امریکا ولسمشر ډونالډ ټرمپ وايي چې د ده په مشرۍ به د متحده ایالاتو پوځیان هېڅکله د اوکراین د پولو د دفاع لپاره هغه هېواد ته ونهستول شي.
نوموړي دا څرګندونې د فاکسنیوز ټلوېزیوني شبکې سره په تازه مرکه کې کړې دي.
د اسراییلو پوځ اعلان کړی چې د غزې ښار پروړاندې د پلان شوي برید په موخه به شاوخوا ۵۰زره ریزرف سرتېري بېرته پوځ ته ور وبلل شي.
د پوځ یوه لوړپوړي چارواکي د چهارشنبې پر ورځ ویلي، سره له دې چې دومره ریزرف ځواکونه به راوغوښتل شي، خو د عملیاتو اصلي مسؤلیت به د اسراییلو د پوځ د فعالو قطعاتو پر غاړه وي.
د لوګر اطلاعاتو او فرهنګ ریاست ریيس مولوي فیضالله جوهري د عینکو کان له لرغونو سیمو او اثارو څخه لېدنې پرمهال وویل، د یاد کان ملکي او نظامي مسوولانو سره د لیدنې پرمهال د عینکو کان د استخرج او لرغونو اثارو د راسپړلو برخه کې باید اړونده مسؤولین لرغونو سیمو او اثارو ته پاملرنه وکړي.
د مخابراتو او معلوماتي ټکنالوژۍ رییس مولوي مطيعالله عابد سلاموطندار ته وویل چې یاد سایټونه مرکز ته اړوند بابوس او پادخواب شانې او دغه ډول د برکيبرک ولسوالي اړوند پنده او د محمداغې ولسوالي اړوند شېخک سیمو کې جوړیږي چې له بشپړېدو وروسته به د سیمې زرګونه اوسېدونکي، مخابراتي او انټرنیټي خدماتو تر پوښښ لاندې راشي.
هند کې د روسیې سفارت وايي چې د یاد هېواد ولسمشر ولادیمیر پوتین به د روان کال تر پایه په نوي ډیلي کې د هند له لومړي وزیر نریندرا مودي سره وګوري.
د یاد سفارت د معلوماتو له مخې، روسیه به د یوه ځانګړي میکانیزم له لارې هند ته د تېلو رسولو ته دوام ورکړي او د روسیې ولسمشر به د روان کال په پای کې نوي ډیلي ته سفر وکړي.
سره له دې چې نتنیاهو د غزې په جګړه کې د جنګي جرمونو په تور د نړیوال جنایي محکمې (ICC) له لوري تورن پېژندل شوی، د امریکا ولسمشر ډونالډ ټرمپ هغه د «جګړې اتل» یاد کړی دی.
د هرات ځایي چارواکي وایي چې د هرات – اسلامقلعه پر لویه لاره د یوې ترافیکي پېښې له امله ۷۶ کسان مړه شوي او درې نور ټپیان دي.
د هرات د والي ویاند، محمدیوسف سعیدي ویلي چې تېره ورځ (سهشنبه، د زمري ۲۸مه) ماښام، ۵۸۰ ډوله مسافر وړونکی موټر له اسلامقلعه څخه کابل ته روان و چې پر لویه لاره لومړی له یو موټرسایکل او بیا له یوه بار وړونکي (مازدا) موټر سره ټکر وکړ او وروسته یې، اور واخیست.
