ټاکل شوې چې د هند کرېکټ غوره لیګ کې نن پنجاب کنګز له لکناو سوپر جاینټز سره سیالي وکړي.
یاده سیالي به نن ماښام ۶:۳۰ بجې د هند د لکناو په «بهارت رتنا شري اتل بېهاري واجپای اکانا کرېکټ لوبغالي» کې پیل شي.
د پاکستان جیونیوز رسنۍ نن راپور ورکړی چې دغه هېواد کې مېشت افغان کډوالو ته په خپله خوښه د بېرته ستنېدو اعلان شوې نېټه پای ته رسېدلې او ټاکل شوې چې نن د ناقانونه افغان کډوالو د ستنېدو بهیر پیل شي.
پاکستان د مارچ تر ۳۱مې له دې هېواده د ناقانونه افغان کډوالو د اېستلو لپاره وخت ټاکلی و.
امریکا بېګاه شپه په یمن کې د حوثي ډلې پر بېلابېلو مرکزونو پراخ او مرګوني هوايي بریدونه کړي دي.
حوثیانو پورې تړلي «المسیره تلویزیون» راپور ورکړ چې امریکایي ځواکونو پر شمالي ولایت صعده ۱۵ بریدونه کړي دي.
د راپور له مخې، بریدونه پر صعده ښار، د مجز او سهار ولسوالي سربېره، د صنعا ولایت د بني مطر ولسوالي په جبل النبي شعیب هم شوي دي.
د چین د بهرنیو چارو وزیر وانګ يي وايي چې دغه هېواد او روسیه د تل لپاره ملګري دي او هېڅکله د یوه بل دښمنان نهدي.
د ملګروملتونو چارواکي وايي چې د سره صلیب، فلسطیني ملکي دفاع ادارې او د ملګروملتونو پنځلس بیړني او مرستندویه کارکوونکو جسدونه د غزې تړانګې په سوېل کې په یوه ډلهییز قبر کې موندل شوي دي.
کرملېن وايي چې روسیه او امریکا په اوکراین کې د احتمالي سولې ټينګښت لپاره د نظرونو او دوه اړخیزو اړیکو جوړولو په موخه په ګډه کار کوي.
کرملېن دغه څرګندونې داسې مهال کوي چې ټرمپ ویلي، له «پوتین غوسه دی.»
که څه هم د امریکا د قانون له مخې، هر کس کولای شي چې دوه ځلې د یاد هېواد ولسمشر شي، خو ډونالډ ټرمپ وايي، غواړي د درېیم ځل لپاره سپینې ماڼۍ کې د ولسمشر په توګه قدم ووهي.
نوموړی وايي، ټوکې نهکوي او غواړي چې د درېیم ځل لپاره هم د امریکا ولسمشر شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
