د پکتيا د کار او ټولنيزو چارو رياست مسوولان وايي چې نن پنجشنبه، وري اوومه، ۲۲۰ ځوانان له شپږ مياشتني حرفوي زدهکړو څخه فارغ شول.
د پکتيا کار او ټولنيزو چارو رییس قاري محمدرحيم نصرت د يادو کسانو فراغت مراسمو کې وويل چې دغه کسانو ته په پنځه برخو کې شپږ مياشتني عملي او نظري زدهکړې ورکړل شوي دي.
د برښنا شرکت مسوولانو نن «پنجشنبه، وري اوومه» د ریاستالوزرا د اقتصادي مرستیال ملاعبدالغني برادر په حضور کې له څو کورنیو او یوه بهرني شرکت سره د برښنا د تولید د ۷ پروژو تړونونه لاسلیک کړل.
په عربي متحده اماراتو کې چارواکي وايي چې د بېلابېلو عملیاتو پرمهال یې، د پنځو مېرمنو په ګډون لس پاکستانیان د سوال کولو په تور نیولي دي.
د متحده عربي اماراتو پولیسو په دې وروستیو کې د یاد هېواد اوسېدونکو ته خبرداری ورکړی چې د سړکونو، جوماتونو او عامه ځایونو ته نږدې ګرځېدونکو سوالګرو ته د پیسو له ورکولو څخه ډډه وکړي.
د لوګر امنیه قومنداني مسوولان وایي چې د دغه ولایت په محمداغې ولسوالي کې دوه کسان د غواګانو غلا په تور نیول شوي دي.
د شماليکوریا مشر کېم جونګ اون د مصنوعي ځیرکتیا پر ټکنالوژۍ سمبال د ځانمرګي ډرون الوتکې له ازموینې څارنه کړې او ویلي یې دي چې بېپېلوټه تجهیزات او مصنوعي ځیرکتیا څخه باید د پوځ پیاوړتیا او پرمختګ کې کار واخیستل شي.
د پاکستان د خېبرپښتونخوا په ډېرهاسماعیل خان کې پر امنیتي پوستې د وسلوالو برید کې دوه سرتېري وژل شوي او درې نور ټپیان دي.
تراوسه د یاد برید مسوولیت کوم چا یا ډلې پر غاړه نهدی اخیستی.
که څه هم د لوګر په زیاتره لرې پرتو سېمو کې د خوښیو مراسمو پرمهال ډزې کول له پخوا څخه دود دي، خو ډېر کله دغه ډزې د خلکو ښادي په غم بدلوي.
د لوګر اوسیدونکي د خوښيو په مراسمو کې هوايي ډزې کول يو ناوړه دود بولي او له حکومته غواړي چې د دغه دود له منځه وړلو لپاره لاس په کار شي.
د افغانستان بانک ویلي چې د «افغانۍ» ارزښت ساتنې او ثبات لپاره به د را روانې «شنبې، وري ۹» «۱۵» میلیون امریکايي ډالر د لیلام
د صنعت او سوداګرۍ وزارت یوه خبرپاڼه کې ویلي، د دغه وزارت سرپرست نورالدین عزیزي د متشبثینو سکتور ملاتړ او پیاوړتیا لپاره ۱۲ موسسو سره د څه باندې یو میلیون او ۵سوه زره ډالرو په ارزښت د همکارۍ هوکړهلیکونه لاسلیک کړي دي.
خبرپاڼه کې ټینګار شوی چې د صنعت او سوداګرۍ وزارت تل د متشبثینو د هڅونې او ملاتړ لپاره هڅې کړي دي.
