د افغانستان د فوټبال فدراسیون مسوولانو نن چهارشنبه، سلواغې ۱۷مه کابل کې د یوې خبري غونډې پرمهال، د افغانستان د فوټسال ملي لوبډلې د مشر روزونکي مجید مرتضايي قرارداد د ۲۰۲۵ کال ترپایه وغځاوه.
د ملګرو ملتونو د وګړو صندوق سیمهییز مشر پیو سمېت په دې وروستیو کې له رویټرز خبري اژانس سره په مرکه کې ویلي، د امریکا د مالي مرستو ځنډېدل به د میلیونونو افغانانو په ځانګړې توګه د ښځو د مړینې او زیانمنېدو کچه لوړه کړي.
ټاکل شوې چې نن چهارشنبه، سلواغې ۱۷مه د کمال خان بند د سرپرست حکومت د یوشمېر لوړوپوړو چارواکو له لوري ګټېاخیستنې ته وسپارل شي.
سعودي عربستان د غزې په اړه د ډونالډ ټرمپ وروستیو څرګندونو ته په غبرګون کې وايي چې د فلسطین هېواد له جوړېدو پرته به هېڅکله اسراییلو اړیکه ټينګه نهکړي.
پر اوکراین د روسي ځواکونو د بریدونو له امله د یوه تنګي ځوان په ګډون پنځه کسان وژل شوي او ۵۵ نور ټپیان دي.
دغه کسان د اوکراین په بېلابېلو سیمو کې ټپیان او وژل شوي دي.
د پکتيا امنيه قومنداني مسوولان وايي چې د ډنډپټان ولسوالي حسنخېلو کلي کې لېوه د يوې کورنۍ پنځه غړي داړلي دي.
پېښه نن چهارشنبه، سلواغې ۱۷مه، سهار ۵بجې رامنځته شوې. د پکتيا امنيه قومنداني وياند منيب ځدراڼ وايي، دغه لېوه له غره څخه یوه کلي ته راښکته شوی او د درېو مېرمنو په ګډون یې، د يوې کورنۍ پنځه غړي داړلي دي.
د پاکستان خېبرپښتونخوا ایالت اړوند سوېليوزیرستان کې پر امنيتي پوستې د وسلهوالو برید له امله څلور سرتېري وژل شوي او اووه نور تپیان دي.
پېښه بېګاه شپه ۱۱ بجې، د سوېليوزیرستان د شکتوی تحصیل په شرکۍ سیمه کې رامنځته شوې. ټپیان روغتون ته د درملنې لپاره لېږدول شوي دي.
د لغمان په یوې لرې پرته بادپښ ولسوالي کې د ۲۴۴زره امریکايي ډالرو په لګښت روغتیايي مرکز جوړ او ګټېاخیستنې ته سپارل شوی دی.
د یاد ولایت د کډوالو ریاست رییس غلامالرحمن بلال وایي چې یاد روغتیایي مرکز د یوه کال په موده کې جوړ شوی چې اتلس خونې، د احاطې دېوال، د اوبو څاه، تشنابونه او د محافظینو خونې لري.
